اسلام ٹائمز۔ اورکزئی ایجنسی کے علاقے اسپین ٹل میں شدت پسند کمانڈر کے مرکز کے باہر بم دھماکے میں 4 دہشتگرد ہلاک جبکہ 5 بچے جاں بحق ہوگئے، ذرائع کے مطابق دھماکہ اسپین ٹل میں شدت پسند کمانڈر نبی حنفی کے مرکز کے باہر ہوا۔ دھماکے میں 4 شدت پسند ہلاک ہوئے اور 5 بچے بھی جاں بحق ہوگئے جبکہ 16 افراد کے زخمی ہونے کی اطلاعات ہیں، خدشہ ہے کہ دہشتگرد مرکز میں موجود شرپسندوں کی غلطی کی وجہ سے وہاں ہی دھماکہ ہوگیا، جس میں قریب موجود 5 بچے بھی نشانہ بن گئے۔