اسلام ٹائمز۔ پاکستان پیپلز پارٹی کے رہنماء اور رکن سندھ اسمبلی اویس مظفر نے ایم کیو ایم کے رکن سندھ اسمبلی ساجد قریشی اور ان کے بیٹے کے قتل کی شدید مذمت کرتے ہوئے کہا ہے کہ دہشت گرد شہر کا امن تباہ کرنا چاہتے ہیں۔ سیاسی جماعتیں اپنے اتحاد سے ایسے عناصر کی سازشوں کو ناکام بنائیں۔ اپنے بیان میں اویس مظفر کا کہنا تھا کہ دہشت گردوں کا کوئی دین و مذہب نہیں ہوتا وہ صرف افراتفری اور بدامنی پھیلانا چاہتے ہیں۔ انہوں نے قانون نافذ کرنے والے اداروں سے مطالبہ کیا کہ وہ ایم کیو ایم کے رکن سندھ اسمبلی ساجد قریشی اور ان کے بیٹے کے قاتلوں کو فی الفور گرفتار کریں۔