اسلام ٹائمز۔ جمعہ کے روز ایف سی اہلکار پاک سرحدی علاقے جوکاب کی تحصیل مند میں شرپسندوں کا پیچھا کررہے تھے کہ ایرانی سکیورٹی فورسز نادانستہ طور پر بلوچستان کے سرحدی علاقے تحصیل مند میں تین کلو میٹر اندر داخل ہوگئیں اور سادہ کپڑوں میں ملبوس ایف سی اہکاروں پر فائرنگ کردی۔ جس سے ایک صوبیدار موقع پر جاں بحق ہوگیا، جبکہ تین زخمی ہوگئے۔ واقعے کے بعد آئی جی ایف سی بلوچستان میجر جنرل محمد اعجاز شاہد نے کہا کہ ایرانی سکیورٹی فورسز کی جانب سے پاکستان کے علاقے کی حدود کی خلاف ورزی کے بارے میں فوری طور پر محکمہ خارجہ کو مطلع کردیا گیا ہے۔ پاکستان اور ایران کے تعلقات ہمیشہ دوستانہ رہے ہیں۔ اسی لئے ایرانی فورسز کو پاکستانی حدود میں داخل ہوئے بغیر اپنے بارڈر کی نگرانی پرامن طریقے سے کرنی ہوگی۔