بین الاقوامی پروازیں پاکستان سے گزرتے ہوئے ۲۴ ہزار فٹ سے زائد بلندی پر پرواز کرینگی

اسلام ٹائمز۔ یورپی سول ایوی ایشن حفاظتی ایجنسی نے بین الاقوامی پروازوں کو پاکستان کی حدود میں ۲۴ ہزار فٹ بلندی سے نیچے پرواز نہ کرنے کی ہدایات جاری کی ہیں۔ پاکستان میں دہشت گردی کے ممکنہ خطرات کے باعث فرانس ایئر لائن کے ڈائریکٹوریٹ جنرل برائے شہری ہوا بازی کے جانب سے درخواست کے بعد یورپی ایوی ایشن سیفٹی ایجنسی ( ای اے ایس اے ) نے پاکستان کی حدود میں تمام بین الاقوامی پروازوں کو خبردار کیا ہے، کہ پاکستان کی حدود میں ۲۴ ہزار فٹ کی بلندی سے نیچے پرواز نہ کریں۔ یورپی ایوی ایشن سیفٹی ایجنسی کی جانب سے وارننگ کا نوٹس ویب سائٹ پر بھی جاری کیا گیا ہے۔