اسلام ٹائمز۔ پاکستان علماء کونسل نے فیصل سمیت ملک بھر میں جمعہ کو اسرائیلی فورسز کی طرف سے مسجد اقصیٰ کی بے حرمتی کیخلاف یوم مذمت منایا۔ فیصل آباد سمیت ملک بھر کی مساجد میں اس حوالے سے مذمتی قراردادیں پیش کی گیئں۔ پاکستان علماء کونسل کے سیکرٹری جنرل نے اپنے بیان میں کہا ہے کہ فلسطینیوں اور کشمیریوں سمیت دنیا بھر میں مسلمانوں پر عالم کفر اور نفاق کے مظالم بڑھتے چلے جا رہے ہیں، ضرورت اس امر کی ہے کہ مسلم امہ ان مظالم کے خلاف متحد ہو جائے۔