سعودی عرب دبائو ڈال کر پہلے متحدہ عرب امارات اور اب قطر کو یمن کی جنگ میں الجھا رہا ہے، انصاراللہ

اسلام ٹائمز۔ عوامی انقلابی تحریک انصار اللہ کی سیاسی کونسل کے رکن ضیف اللہ الشامی نے خبردار کیا ہے کہ یمنی عوام، قطر کے فوجیوں سے بھی اسی طرح مقابلہ کریں گے جس طرح وہ اس سے پہلے یمن میں داخل ہونے والے سعودی عرب اور متحدہ عرب امارات کے فوجیوں کا مقابلہ کرتے رہے ہیں۔ متحدہ عرب امارات کے یمن کی دلدل میں پھنسنے کے بعد اب قطر اس دلدل میں پھنسنے جا رہا ہے۔
ضیف اللہ الشامی نے کہا کہ قطر کے فوجیوں کے یمن میں داخل ہونے کا اس ملک کے خلاف فوجی کارروائیوں پر کوئی اثر نہیں پڑے گا۔ تحریک انصار اللہ دوسرے عوامی گروہوں کے ساتھ مل کر یمن میں جدوجہد جاری رکھے گی۔ سعودی عرب دبائو ڈال کر پہلے متحدہ عرب امارات اور اب قطر کو یمن کی جنگ میں الجھا رہا ہے۔