اسلام ٹائمز۔ گلگت بلتستان کے ضلع غذر میں زلزلے کے باعث گھر پر مٹی کا تودہ گرنے کے نتیجے میں ماں جاں بحق جبکہ باپ اور دو بیٹے زخمی ہوگئے ہیں، زخمیوں کو ہسپتال منتقل کردیا گیا۔ گزشتہ رات ملک کے مختلف شہروں میں زلزلے کے شدید جھٹکے محسوس کیے گئے تھے جس کے باعث چوالیس افراد زخمی ہوئے تھے۔ اس صورتحال کو دیکھتے ہوئے گلگت بلتستان کے ہسپتالوں میں بھی ایمرجنسی نافذ کردی گئی ہے۔ ذرائع کے مطابق زلزلے کے باعث شاہراہ قراقرم میں لینڈسلائیڈنگ کے باعث آٹھ مقامات پر شاہراہ بند ہوگئی، جس کے باعث مسافروں کو شدید مشکلات کا سامنا کرنا پڑا ہے۔