اسلام ٹائمز۔ وفاقی حکومت نے بےنظیر انکم سپورٹ پروگرام کے مستحقین کیلئے سہ ماہی وظیفے میں آٹھ سو روپے کا اضافہ کردیا۔ بےنظیر انکم سپورٹ پروگرام کے پچاس لاکھ سے زائد مستحقین کیلئے خوشخبری ہے کہ وفاقی حکومت نے سالانہ وظیفہ اٹھارہ ہزار سے بڑھا کر اٹھارہ ہزار آٹھ سو روپے کر دیا ہے۔ فیصلے کا اطلاق یکم جولائی دو ہزار پندرہ سے ہوگا۔ وزیر خزانہ اسحاق ڈار کا کہنا ہے کہ مستحقین کو بقایاجات اگلی قسط کے ساتھ ادا کر دیئے جائیں گے۔