اسلام ٹائمز۔ پاکستان مسلم لیگ ن سرگودہا کے رہنما اور ایم این اے ڈاکٹر ذوالفقار علی بھٹی نے یونیورسٹی آف لاہور، سرگودھا کیمپس میں تقریب سے خطاب کرتے ہوئے کہا ہے کہ انگریز حکمرانوں نے ہمیشہ ہندو قوم کو مسلمانانِ برصغیر پر فوقیت دی تھی، لیکن علامہ محمد اقبالؒ اور قائدِ اعظم محمد علی جناح ؒ نے ہندو بنئے اور انگریز کی سازش کو بھانپ لیا تھا اور اپنی معاملہ فہمی سے اسے ناکام بنایا، جس کے سبب برِ صغیر کے مسلمانوں کے لئے الگ وطن کا قیام ممکن ہوا۔ سرگودہا میں نجی یونیورسٹی کی تقریب سے خطاب کرتے ہوئے پی ایم ایل این کے رکن قومی اسمبلی کا کہنا تھا کہ ہمارا پاک وطن ان رہنمائوں کا عظیم عطیہ ہے، جس کی ہمیں قدر کرنی چاہئے۔