اسلام ٹائمز۔ چیف جسٹس سندھ ہائیکورٹ جسٹس سجاد علی شاہ کے بیٹے اویس علی شاہ کی بازیابی کا ٹاسک اسپیشل سیکیورٹی یونٹ کے سپرد کر دیا گیا ہے۔ ایس ایس یو کے ترجمان کا کہنا ہے کہ اویس شاہ کی بازیابی کا ٹاسک وزیر داخلہ سندھ کی ہدایت پر دیا گیا ہے، ان کی تلاش کیلئے مختلف علاقوں میں چھاپوں کا سلسلہ جاری ہے۔ ترجمان کا کہنا ہے کہ اویس شاہ کی بازیابی کیلئے شہر کے داخلی اور خارجی راستے سیل کر دیئے گئے ہیں، کمانڈ اینڈ کنٹرول روم میں سی سی ٹی وی کیمروں کی مدد بھی لی جا رہی ہے۔