اسلام ٹائمز۔ کشمور کے قریب ٹریکٹر ٹرالی الٹنے کے نتیجے میں 6 افراد جاں بحق، جبکہ 3 زخمی ہوگئے۔ تفصیلات کے مطابق سندھ کے ضلع کشمور کے قریب تیز رفتاری کے باعث ٹریکٹر ٹرالی ڈرائیور سے بے قابو ہو کر الٹ گئی، جس کے نتیجے میں 3 بچوں اور 2 خواتین سمیت 6 افراد جاں بحق، جبکہ 3 زخمی ہوگئے۔ واقعہ کے بعد زخمیوں کو قریبی اسپتال منتقل کیا گیا، جہاں انہیں طبی امداد دی جا رہی ہے۔ پولیس کے مطابق حادثے ميں جاں بحق ہونے والے افراد کا تعلق مزاری قبیلے سے ہے اور یہ لوگ کشمور سے گھوٹکی جا رہے تھے۔