کرسمس پہ بجلی کی بلاتعطل فراہمی کو یقینی بنایا جائے، وزیراعظم کی ہدایت

اسلام ٹائمز۔ کرسمس پر ملک بھر میں بجلی کی بلاتعطل فراہمی کیلئے وزیراعظم میاں محمد نواز شریف نے متعلقہ اداروں کو خصوصی ہدایت جاری کی ہے۔ ترجمان وزیراعظم ہاؤس کی جانب سے جاری بیان میں کہا گیا ہے کہ کرسمس کے موقع پر ملک بھر میں لوڈشیڈنگ نہ کی جائے اور بجلی کی بلاتعطل فراہمی کو یقینی بنایا جائے، تاکہ مسیحی برادری اپنے خوشی کے تہوار کو بھرپور طریقے سے منا سکے۔ دوسری جانب پشاور سے اپنا سفر شروع کرنے والی کرسمس پیس ٹرین راولپنڈی سے لاہور کیلئے روانہ ہوچکی ہے۔