ہنگو:
اسلام ٹائمز۔ہنگو میں دوآبہ پولیس اسٹیشن پر خودکش حملہ ہوا ہے۔ جس کے نتیجے میں پولیس اہلکار سمیت 5 افراد جاں بحق اور 25 زخمی ہو گئے۔ ذرائع کے مطابق ہنگو کے مین بازار میں خودکش حملہ آور نے دھماکہ خیز مواد سے بھری کار دوآبہ پولیس اسٹیشن سے ٹکرا دی جس کے نتیجے میں زور دار دھماکا ہوا، پولیس کے مطابق دھماکے کے باعث پولیس اہلکار سمیت پانچ افراد جاں بحق اور پچیس زخمی ہو گئے جبکہ ہلاکتوں میں اضافے کا خدشہ ہے۔
ذرائع کا کہنا ہے کہ دھماکے سے قریبی عمارتوں کو بھی نقصان پہنچا ہے۔ جبکہ متاثرہ مقام پر امدادی کارروائیاں شروع کر دی گئی ہیں اور زخمیوں کو ہسپتال منتقل کیا جا رہا ہے۔