70 سال قبل ہمارے جو خواب تھے وہ آج حقیقت بن کر دنیا کے نقشے پر ابھر چکے ہیں، ملک اسلم نوید

اسلام ٹائمز۔ میئر میونسپل کارپوریشن سرگودہا ملک اسلم نوید نے تقریب سے خطاب کرتے ہوئے کہا ہے کہ پاکستان بہت سی قربانیوں کے بعد حاصل کیاگیا، اس کی حفاظت ہم دل و جان سے کریں گے اور انشااﷲ یہ قائم و دائم رہے گا۔ محکمہ سوشل ویلفیئر کے ادارہ ماڈل چلڈرن ہوم میں جشن آزادی کی تقریب سے خطاب کرتے ہوئے  انہوں نے کہا کہ 70 سال قبل ہمارے جو خواب تھے، وہ آج حقیقت بن کر دنیا کے نقشے پر ابھر چکے ہیں، پاکستان کا شمار دنیا کے مستحکم ممالک میں ہوتا ہے۔ تقریب میں بچوں نے ملی نغمے اور ٹیبلوز پیش کئے، آخر میں جشن آزادی کی خوشی میں کیک کاٹا گیا اور ملک کی سلامتی کے لیے دعا کی گئی۔