بھارت کو کشمیر پر جابرانہ قبضہ چھوڑنا ہو گا، مشال ملک

اسلام ٹائمز۔ ممتاز حریت پسند رہنما یٰسین ملک کی اہلیہ اور سماجی کارکن مشال ملک نے کہا ہے کہ مقبوضہ کشمیر میں بھارتی فوج نے پلوامہ میں مزید چار نوجوانوں کو حصار میں لے کر شہید کر دیا ہے، وادی میں انٹرنیٹ سروس بھی بند ہے۔ پیر کو اپنے ایک بیان میں مشال ملک نے کہا کہ عالمی برادری بھارتی دہشت گردی کا نوٹس لے۔ بھارتی فوج حق خودارادیت کی جدوجہد کرنیوالے نہتے کشمیریوں پر ظلم کے پہاڑ توڑ رہی ہے۔ بھارت کو کشمیر پر جابرانہ قبضہ چھوڑنا ہو گا۔