اسلام ٹائمز۔ اقوام متحدہ میں پاکستان کی مستقل مندوب ملیحہ لودھی نے کہا ہے کہ بھارت کی سیکورٹی فورسز کی جانب سے مقبوضہ کشمیر میں ریاستی دہشت گردی جاری ہے۔ ملیحہ لودھی نے کہا ہے کہ بھارتی سیکورٹی فورسز نے مقبوضہ کشمیر میں نام نہاد آپریشن کے نام پر مزید دو کشمیری شہید کر دیے ہیں۔ اقوام متحدہ میں پاکستانی سفیر کا کہنا تھا کہ مقبوضہ کشمیر میں انٹرنیٹ سروس بھی معطل ہے۔ انہوں نے مزید کہا کہ کشمیریوں کو حق خودارادیت سے محروم رکھنا اور اقوام متحدہ کے چارٹر کی خلاف ورزی عالمی امن کے لیے خطرہ ہے۔