رضا ربانی کا طلباء کیخلاف غداری کا مقدمہ واپس لینے کا مطالبہ

اسلام ٹائمز۔ پیپلز پارٹی کے سینیئر رہنما اور سابق چیئرمین سینیٹ میاں رضا ربانی نے لاہور میں طلباء کے خلاف غداری کا مقدمہ واپس لینے کا مطالبہ کیا ہے۔ اپنے ایک بیان میں میاں رضا ربانی نے کہا کہ 300 طلباء کے خلاف ایف آئی آر کا اندراج افسوسناک اور قابل مذمت ہے۔ انہوں نے کہا کہ طلباء یونینز پر سے پابندی اٹھانے کا مطالبہ کرکے طالب علم اپنا بنیادی آئینی حق مانگ رہے ہیں۔ پی پی رہنما نے مزید کہا کہ اپنے بنیادی حق کے لیے آواز اٹھانے والے ان طلباءکے خلاف غداری کا مقدمہ واپس لیا جانا چاہیئے۔