پیپلزپارٹی اور متحدہ قومی موومنٹ کا 8 رکنی مفاہمتی کمیٹی بنانے پر اتفاق

اسلام آباد:اسلام ٹائمز۔ پیپلزپارٹی اور ایم کیو ایم نے مفاہمت کے لیے آٹھ رکنی کمیٹی قائم کرنے پر اتفاق کر لیا۔ دونوں پارٹیوں کی اعلیٰ قیادت نے مفاہمت کی پالیسی جاری رکھنے پر بھی اتفاق کیا ہے۔ ذرائع کے مطابق پیپلزپارٹی اور ایم کیو ایم کے معاملات مکمل طے پاگئے۔ پیپلزپارٹی کے شریک چیئرمین آصف زرداری اور ایم کیو ایم کے قائد الطاف حسین کے درمیان مفاہمتی پالیسی جاری رکھنے پر اتفاق ہوا ہے۔ دونوں جماعتوں نے مفاہمت کے لیے آٹھ رکنی کمیٹی قائم کردی۔ اس کمیٹی میں پیپلزپارٹی کی جانب سے وزیراعلیٰ قائم علی شاہ، وزیر داخلہ منظور وسان، آغا سراج درانی اور آیاز سومرو شامل ہیں جبکہ ایم کیو ایم اپنے چار ارکان کا اعلان آج کرے گی۔