قومی اسمبلی اور سینیٹ کے اجلاس آج سے شروع، اجلاس ہنگامہ خیز ہونے کا امکان

اسلام آباد:اسلام ٹائمز۔ قومی اسمبلی اور سینیٹ کے اجلاس آج سے شروع ہو رہے ہیں، دونوں ایوانوں کے اجلاس ہنگامہ خیز ہونے کا امکان ہے۔ قومی اسمبلی کا اجلاس اسپیکر فہمیدہ مرزا جبکہ سینیٹ کا اجلاس ڈپٹی چیئرمین جان جمالی کی زیر صدارت ہو گا۔ اپوزیشن کی ریکوزیشن پر بلائے گئے دونوں ایوانوں کے اجلاس شام پانچ بجے ہوں گے۔ مسلم لیگ (ن) اور ایم کیو ایم کی جانب سے کراچی میں ٹارگٹ کلنگ، کشمیر کے انتخابات میں مبینہ دھاندلی اور ایڈیشنل ڈی جی ایف آئی اے ظفر قریشی کی معطلی کے معاملات پر مشترکہ احتجاج کیا جائے گا۔