نصیرآباد، زیر تعمیر ہائی وے پر ریموٹ کنٹرول بم دھماکہ

اسلام ٹائمز۔ ذرائع کے مطابق نصیر آباد کے علاقے پولیس تھانہ منگولی کی حدود میں بیر چوکی کے قریب زیر تعمیر بائی پاس پر بم دھماکہ ہوا ہے۔ جس کے نتیجے میں کوئی جانی نقصان نہیں ہوا ہے۔ اطلاع ملنے پر ایس ایس پی نصیر آباد عبدالحی عامر پولیس نفری کے ہمراہ جائے وقوعہ پر پہنچ گئے۔ پولیس کے مطابق بم دھماکہ ریموٹ کنٹرول کا تھا۔ پولیس نے علاقے کی ناکہ بندی کرکے مزید کارروائی شروع کردی ہے۔