زائرین کے مسائل کے حل کیلئے ہر ممکن کوشش کرینگے، آغا رضا

اسلام ٹائمز۔ مجلس وحدت مسلمین کے مرکزی ڈپٹی سیکرٹری جنرل اور سابق وزیر قانون بلوچستان سید محمد رضا نے آج کمشنر کوئٹہ ڈویژن سے ملاقات کی۔ ملاقات کے دوران ایم ڈبلیو ایم کے رہنماء آغا رضا نے زائرین اور قافلہ سالاروں کی مشکلات کے حوالے سے خصوصی گفتگو کی۔ انہوں نے کمشنر کوئٹہ ڈویژن کو آنے والے محرم الحرام اور اربعین امام حسینؑ کے حوالے سے زائرین کے ممکنہ مسائل سے آگاہ کیا۔ مجلس وحدت مسلمین کے مرکزی رہنماء کا کہنا ہے کہ زائرین کے مسائل کے حل کے لیے ہر ممکن کوشش کریں گے۔