0
Sunday 29 Jul 2012 20:56
اسلام ٹائمز۔ دادو میں پیپلز پارٹی کے ایم پی اے عمران ظفر لغاری کی جانب سے حسینی سیتا امام بارگاہ پر قبضہ، علم عباسؑ کی بے حرمتی اور ایک مومن عبرت حسین کی شہادت کے خلاف ایف سی چوک پر ایم ڈبلیو ایم، آئی ایس او، اصغریہ آرگنائزیشن اور حزب المہدیؑ کی جانب سے احتجاجی دھرنا دیا گیا۔ احتجاجی دھرنے سے مجلس وحدت مسلمین صوبہ سندھ کے سیکریٹری جنرل علامہ مختار امامی، خیرپور کے سیکریٹری جنرل علامہ نشان حیدر ساجدی، جامع مسجد مورو کے امام جمعہ مولانا گل محمد طاہری، آئی ایس او کے رہنما شفقت لانگا، اصغریہ آرگنائزیشن کے مرکزی نائب صدر محمد عالم شیخ، حزب المہدیؑ کی عامر کاظمی اور بدین سے تعلق رکھنے والے عالم دین مولانا شبیر کانڈیو نے خطاب کیا۔ ایف سی چوک پر منعقدہ احتجاجی دھرنے میں لگ بھگ تین ہزار کے قریب لوگ موجود تھے۔ جو مردہ باد امریکہ، نامنظور اسرائیل، دادو انتظامیہ مردہ باد، عمران ظفر لغاری مردہ باد اور پیپلز پارٹی کے خلاف نعرے لگا رہے تھے۔ اس موقع پر خطاب کرتے ہوئے مقررین نے کہا کہ پیپلز پارٹی شیعوں کے تحفظ میں ناکام ہوچکی ہے۔ انہوں نے کہا کہ ملت جعفریہ آئندہ انتخابات میں کسی بھی شیعہ دشمن کو سپورٹ نہیں کرے گی اور اس امیدوار کے خلاف مہم چلائے گی کہ جو دہشت گردوں سے ساز باز کرے گا چاہے وہ کسی بھی پارٹی سے تعلق کیوں نہ رکھتا ہو۔
خبر کا کوڈ : 183298
منتخب
10 May 2024
9 May 2024
9 May 2024
8 May 2024
7 May 2024
7 May 2024
7 May 2024
ہماری پیشکش
