0
Friday 17 May 2019 20:09
اسلام ٹائمز۔ بانڈی پورہ کے سمبل علاقے میں معصوم بچی کے ساتھ مبینہ جنسی زیادتی کے خلاف کشمیر میں ہڑتال کے بیچ تیسرے روز بھی احتجاجی لہر جاری رہی، جبکہ جنوب و شمال میں اس شیطانی فعل کے خلاف احتجاجی مظاہرے ہوئے۔ سرینگر کے علاوہ بانڈی پورہ اور دیگر علاقوں میں بھی پُرتشدد احتجاجی مظاہرے، آنسو گیس شیلنگ، پیلٹ اور سنگباری دیکھنے کو ملی، جس کے دوران درجنوں افراد زخمی ہوئے، جن میں ایک نوجوان شدید طور زخمی ہوا اور بعد میں ہسپتال میں دم توڑ بیٹھا۔ ہڑتال کے نتیجے میں کشمیر میں معمول کی زندگی متاثر ہوئی، جبکہ حساس اضلاع میں موبائل انٹرنیٹ بند رہا، جبکہ شمالی کشمیر کے لئے ریل سروس بھی معطل رہی۔ جنوبی مقبوضہ کشمیر میں قائم اسلامک یونیورسٹی میں احتجاجی مظاہرے کئے گئے اور اس سانحہ کی سخت الفاظ میں مذمت کرتے ہوئے مجرم کو قرار واقعی سزا دینے کا مطالبہ کیا گیا ہے۔ ساتھ ہی اس معاملے کی فاسٹ ٹریک بنیاوں پر کارروائی کی بھی مانگ کی گئی ہے۔ اسلامک یونیورسٹی آف سائنس اینڈ ٹیکنالوجی (آئی یو ایس ٹی) سے وابستہ اسٹاف ممبران اور طالب علموں نے یونیورسٹی احاطے میں شمالی کشمیر کے بانڈی پورہ ضلع کے سمبل علاقے میں ایک کمسن بچی کی آبروریزی کے سانحہ کے خلاف احتجاج کیا۔ اس پر امن احتجاجی مظاہرے میں تدریسی و غیر تدریسی عملے کے ساتھ ساتھ مختلف شعبہ جات کے سربراہان نے بھی شرکت کی۔ مظاہرہ کرنے والے طالب علموں اور فیکلٹی ممبران نے مجرم کے خلاف سخت سزا کا مطالبہ کیا۔ احتجاج کرنے والے مجرم کو شیطانی صفت انسان قرار دیتے ہوئے مطالبہ کیا ہے کہ مجرم کو سخت سے سخت سزادی جائے۔
خبر کا کوڈ : 794810
منتخب
10 May 2024
9 May 2024
9 May 2024
8 May 2024
7 May 2024
7 May 2024
7 May 2024
ہماری پیشکش
