اسلام ٹائمز۔ ینگ نرسز ایسوسی ایشن کی کال پر پے پروٹیکشن نہ ملنے پر ملتان کے سرکاری ہسپتالوں میں مکمل ہڑتال کی گئی، رہنمائوں کا کہنا تھا کہ نرسنگ سٹاف کا معاشی استحصال کیا جا رہا ہے جسے بند کیا جائے، ملتان انسٹی ٹیوٹ آف کارڈیا لوجی اور نشتر ہسپتال ملتان کے نرسنگ سٹاف نے مکمل طور پرہڑتال کرتے ہوئے احتجاجی مظاہرہ کیا، جس کے باعث مریضوں کو خوار ہونا پڑا، رہنمائو ں نے کہا کہ اگر تین دن کے اندر نوٹیفیکشن جاری نہ کیا گیا توپھر وہ پنجاب بھر میں ایمرجنسی سروسز میں بھی ہڑتال کرنے پر مجبور ہو جائیں گی۔