عدالتی فیصلے کی شریف برادران کی تشریح قابل قبول نہیں، گیلانی

اسلام ٹائمز۔ وزیراعظم یوسف رضا گیلانی نے کہا ہے کہ شریف برادران عدالتی فیصلے کی خود ساختہ تشریخ کر رہے ہیں۔ یہ بات انہوں نے لندن میں میڈیا سے بات چیت کرتے ہوئے کہی۔ وزیراعظم کا کہنا تھا کہ عدالتی فیصلے کی شریف برادران کی تشریح قابل قبول نہیں ہے۔ ان کا کہنا تھا کہ شریف برادران عدالتی فیصلے کی خود ساختہ تشریخ کر رہے ہیں، میرے خلاف کرپشن کا کوئی کیس نہیں ہے۔ یوسف رضا گیلانی نے مزید کہا کہ ادارے حدود میں رہ کر کام کریں تو تصادم نہیں ہو گا۔ انہوں نے برطانوی وزیراعظم سے ملاقات کو سود مند قرار دیا۔ وزیراعظم کا کہنا تھا کہ وہ ڈیوڈ کیمرون کی دعوت پر برطانیہ آئے ہیں، کیونکہ دونوں ممالک کے درمیان منفرد تعلقات ہیں۔