اپوزیشن کے اعتراضات پر صوبوں کے پارلیمانی کمیشن پر نظرثانی ہو سکتی ہے، فہمیدہ مرزا

اسلام ٹائمز۔ اسپیکرقومی اسمبلی ڈاکٹر فہمیدہ مرزا نے کہا ہے کہ صوبوں کی کمیشن کے لیے نام پارلیمانی لیڈر نے دیے، انہیں نہیں معلوم کہ اپوزیشن کے اعتراضات کیوں ہیں، نظرثانی کر کے اعتراضات دور کیے جا سکتے ہیں۔ انہوں نے کہا کہ آئین کی شق 56 کے تحت صدر پارلیمنٹ کو پیغام بھیج سکتے ہیں۔ اسپیکر قومی اسمبلی نے کہا کہ بلوچستان پر بننے والی پارلیمانی کمیٹی معاملات کو دیکھ رہی ہے، نگران وزیراعظم بننے کے حوالے سے خبروں پر ان کا کہنا تھا کہ ان کی پہلی ترجیح الیکشن لڑ کر دوبارہ رکن قومی اسمبلی بننا ہے۔ اگر اپوزیشن اور حکومت نے پل کا کردار ادا کرنے کی ذمہ داری ڈالی تو وہ یہ کردار ادا کرنے کی کوشش کریں گی۔