بھارت میں سردی کی شدید لہر، 170 ہلاک

اسلام ٹائمز۔ بھارت میں سردی کی حالیہ لہر کے دوران ہلاک ہونے والے افراد کی تعداد 170 سے تجاوز کر گئی ہے، ہلاک ہونے والوں میں زیادہ تر بے گھر، بے سہارا اور معمر افراد شامل ہیں، اطلاعات کے مطابق زیادہ تر ہلاکتیں شمالی بھارت میں ریاست اترپردیش، اتراکھنڈ، پنجاب اور ہریانہ میں ہوئی ہیں، پریس ٹرسٹ آف انڈیا کے مطابق بھارت کی سب سے گنجان آباد ریاست اترپردیش میں سردی سے 165 افراد کی ہلاکت کی اطلاعات ہیں، گزشتہ ہفتے بھارتی دارالحکومت نئی دہلی میں 3 جنوری کا دن گزشتہ 44 برس میں سرد ترین دن رہا تھا، محکمہ موسمیات کے مطابق جمعرات کو نئی دہلی میں کم از کم درجہ حرارت چار اعشاریہ آٹھ اور زیادہ سے زیادہ نو اعشاریہ آٹھ رہا، سرد موسم کے ساتھ ساتھ گہری دھند نے بھی شہریوں کی مشکلات میں اضافہ کیا ہے، دھند کی وجہ سے فضائی سروس اور ٹرینوں کی آمدورفت بری طرح متاثر ہوئی ہے۔