اسلام ٹائمز۔ امریکی وزیر خارجہ جان کیری کل برسلز میں آرمی چیف جنرل اشفاق پرویز کیانی سے ملاقات کریں گے۔ جان کیری کا کہنا ہے ملاقات میں افغانستان سے امریکی انخلاء سے متعلق امور پر بات ہوگی۔ آرمی چیف جنرل اشفاق پرویز کیانی برسلز میں آج ہونے والے نیٹو وزرائے خارجہ اجلاس میں شریک ہیں۔ اجلاس میں افغانستان اور شام کی صورت حال پر بات چیت ہو رہی ہے۔ نیٹو ہیڈ کوارٹر میں ہونے والے ایک روزہ اجلاس میں امریکی وزیر خارجہ جان کیری پہلی مرتبہ واشنگٹن کی نمائندگی کر رہے ہیں۔ اجلاس سے قبل جان کیری کا کہنا تھا کل وہ پاکستانی آرمی چیف اور افغان صدر سے بھی ملاقات کریں گے، جس میں افغان طالبان کے ساتھ مفاہمتی عمل سمیت مختلف امور پر بات چیت ہوگی۔