جان محمد جمالی بلوچستان اسمبلی کے اسپیکر، عبدالقدوس بزنجو بلا مقابلہ ڈپٹی اسپیکر منتخب

اسلام ٹائمز۔ مسلم لیگ (ن) کے جان محمد جمالی بلا مقابلہ اسپیکر بلوچستان اسمبلی جبکہ مسلم لیگ (ق) کے عبدالقدوس بزنجو بلامقابلہ ڈپٹی اسپیکر منتخب ہوگئے ہیں۔ مسلم لیگ ن کے 4 امیدوار سردار صالح بھوتانی، جان جمالی، میر عاصم کرد گیلو، در محمد ناصر نے اسپیکر کیلئے اپنے کاغذات نامزدگی جمع کروائے جبکہ ن لیگ کی ثمینہ خان، مسلم لیگ ق کے عبدالقدوس بزنجو اور پختونخوا میپ کے سردار رضا محمد نے ڈپٹی اسپیکر کے عہدے کیلئے اپنے کاغذات جمع کرائے تھے۔ رات 9 بجے تک اسپیکر کے عہدے کیلئے 3 امیدواروں سردار صالح بھوتانی، میر عاصم کرد گیلو، در محمد ناصر جبکہ ڈپٹی اسپیکر کیلئے ن لیگ کی ثمینہ خان اور پختونخوا میپ کے سردار رضا محمد نے اپنے کاغذات نامزدگی واپس لے لئے۔ جس کے بعد مسلم لیگ (ن) کے جان محمد جمالی بلا مقابلہ اسپیکر بلوچستان اسمبلی جبکہ مسلم لیگ ق کے عبدالقدوس بزنجو بلامقابلہ ڈپٹی اسپیکر منتخب ہوگئے۔ بلوچستان اسمبلی کے اسپیکر اور ڈپٹی اسپیکر آج اپنے اپنے عہدوں کا حلف اٹھا ئیں گے۔