شمالی وزیرستان میں امریکی ڈرون حملہ، 5 افراد ہلاک

اسلام ٹائمز۔ قبائلی علاقہ شمالی وزیرستان کی تحصیل شوال میں امریکی میزائل حملے کی اطلاع موصول ہوئی ہے اور ذرائع نے بتایا ہے کہ اس کے نتیجے میں 5 افراد ہلاک ہوگئے ہیں۔ ذرائع کے مطابق امریکی جاسوس طیارے نے شمالی وزیرستان کی تحصیل شوال میں اتوار کی شام ایک گھر پر دو میزائل حملے کئے۔ جس کے باعث ابتدائی اطلاعات کے مطابق پانچ افراد اپنی جانوں سے ہاتھ دھوبیٹھے ہیں۔ اس حوالے مقامی انتظامیہ مزید معلومات حاصل کر رہی ہے۔