سانحہ ماڈل ٹاؤن کے تحقیقاتی ٹریبونل کی کاروائی

اسلام تائمز۔  لاہور ہائیکورٹ کےسانحہ ماڈل ٹاؤن کے لئے قائم تحقیقاتی ٹریبونل کی کارروائی کا آج 13واں دن تھا، ٹریبونل نے بند کمرے میں کارروائی کی، ڈسٹرکٹ سیشن جج لاہور نے سانحہ ماڈل ٹاؤن کے 4 زخمیوں کے بیانات پیش کیے۔ ایڈیشنل آئی جی الطاف حسین اور جوائنٹ انویسٹی گیشن ٹیم کے رکن سیف مرتضیٰ بھی ٹریبونل کے روبرو پیش ہوئے، جائنٹ انویسٹی گیشن ٹیم کے رکن نے ٹریبونل کے روبرو 16 اور 17جون کو وزیراعلیٰ شہباز شریف، راناثناءاللہ، ڈاکٹر توقیر شاہ سمیت اعلیٰ حکام کی ٹیلیفونک بات چیت کا ریکارڈ پیش کیا، رکارڈ میں آئی جی پولیس، کمشنر، ڈی سی او، ڈی آئی جی اور موقع پر موجود 9 ایس پی حضرات کی گفتگو کا رکارڈ بھی شامل ہے۔ بعد میں ٹربیونل نے مزید کارروائی 16 جولائی تک ملتوی کر دی۔