پارلیمنٹ پر حملہ ہوا تو جماعت اسلامی مزاحمت کریگی، زبیر گوندل

اسلام ٹائمز۔ سرگودہا کے ضلعی امیر جماعت اسلامی زبیر احمد گوندل اور جنرل سیکرٹری ڈاکٹر محمد فاروق نے کہا ہے کہ جمہوریت اور عدلیہ کی کردارکشی ہو رہی ہے،اوچھے ہتھکنڈے استعمال کرتے ہوئے بعض قوتیں اپنے خطرناک عزائم کی تکمیل چاہتی ہیں۔ انہوں نے کہا کہ اگر آئین و قانون سے انحراف کرتے ہوئے پارلیمنٹ پر شب خون مارا گیا تو جماعت اسلامی بھرپور مزاحمت کرے گی، ملک کو بحران سے نکالنے کے لئے سیاسی حلقوں کو ملکر مثبت کردار ادا کرنا ہو گا۔ ڈاکٹر فاروق احمد نے کہا کہ ن لیگ دھرنوں کے مقابلے میں تحریک چلانے جیسے فیصلوں سے اجتناب کرے، دھرنوں کے مقابلے میں ن لیگ نے تحریک چلائی تو تصادم کی راہ ہموار ہو گی۔