0
Friday 29 Aug 2014 10:06
اسلام ٹائمز۔ قومی اسمبلی میں قائد حزب اختلاف سید خورشید شاہ نے کہا ہے کہ سیاسی معاملات اگر سیاسی جماعتوں کے ذریعہ حل کئے جاتے تو یہ جمہوریت کے لئے ایک سنگ میل ہوتا، سیاسی معاملات فوج اور عدلیہ کے ذریعہ حل کرنے کی روایت نہیں ہونی چاہیے۔ اپنے ایک بیان میں سید خورشید شاہ نے کہا ہے کہ عمران خان خود بھی سیاستدان ہیں ، اگر وہ سیاسی جماعتوں کی بات مان لیتے تو ان کی سیاست کے لئے اچھا ہوتا۔ پاک فوج اور عدلیہ بھی ہمارے ملک کے ادارے ہیں لیکن سیاسی معاملات فوج اور عدلیہ کے ذریعہ حل کرنے کی روایت نہیں ہونی چاہیے۔