پشاور:
اسلام ٹائمز۔ پشاور کے علاقے بڈھ بیر کے گائوں اخون سالار بابا میں واقع مسجد شیر علی میں دھماکہ ہوا۔ دھماکے سے مسجد کے دونوں اطراف کی دیواریں مکمل طور پر منہدم ہوگئیں جبکہ وضو خانہ بھی مکمل طور پر تباہ ہو گیا۔ دھماکے سے مسجد کے ہال کی دیواروں اور چھتوں میں بھی دراڑیں پڑ گئی۔ مقامی پولیس اور بم ڈسپوزل سکواڈ فوری طور پر موقع پر پہنچ گیا جن کے مطابق دھماکے میں 4 سے 5 کلو بارودی مواد استعمال کیا گیا۔ اہلیان علاقہ کا کہنا تھا کہ مسجد شیر علی کچھ عرصہ قبل ہی کویت حکومت کے مالی تعاون سے تعمیر کی گئی تھی۔