تحریک طالبان پنجاب کی جانب سے ملتان ضلع کچہری اور کمشنر آفس تباہ کرنے کی دھمکی

ملتان:اسلام ٹائمز۔ ڈسٹرکٹ بار ایسوسی ایشن ملتان کے صدر ارباب احمد سید نے اس سلسلے میں گفتگو کرتے ہوئے کہا ہے کہ متعلقہ اداروں کو دھمکی آمیز خط کے بارے میں آگاہ کر دیا گیا ہے، جو آج ہی ڈسٹرکٹ بار کو موصول ہوا ہے۔ انھوں نے کہا کہ کمرشل پلازے میں قائم عدالتیں زیادہ غیر محفوظ ہیں۔ انہوں نے کہا کہ بہاولپور میں حال ہی میں گرفتار ھونے والے دہشت گرد نے بھی انکشاف کیا تھا کہ آئی ایس آئی ہیڈ کوارٹر کے بعد ان کا اگلا ٹارگٹ ضلع کچہری تھا، انہوں نے کہا کہ متعلقہ ادارے اس معاملہ کا سنجیدگی سے نوٹس لیں۔