وزیراعظم گیلانی کی منموہن اور سونیا گاندھی کو دورہ پاکستان کی دعوت

موہالی:اسلام ٹائمز۔ وزیراعظم سید یوسف رضا گیلانی نے بھارتی ہم منصب منموہن سنگھ اور سونیا گاندھی کو پاکستان آنے کی دعوت دے دی۔ موہالی میں پاکستان اور بھارت کے درمیان کھیلے جانے والے سیمی فائنل میچ کے بعد میڈیا سے بات چیت کرتے ہوئے وزیراعظم نے سیمی فائنل میں کامیابی پر بھارتی ٹیم کو مبارکباد پیش کی۔ انہوں نے کہا کہ ہار جیت تو میچ میں ہوتی ہے اور یہ دونوں ممالک کی جیت ہوئی ہے۔ پاک بھارت میچ کے دوران وزیراعظم  کے عشائیے میں منموہن کے ساتھ ہونے والی بات چیت کے حوالے سے کہا کہ انہوں نے منموہن سے تمام ایشوز پر بات کی ہے۔ منموہن نے وزیراعظم گیلانی کی آمد پر شکریہ ادا کرتے ہوئے کہا کہ کرکٹ نے دونوں ممالک کے وزرائے اعظم کو ساتھ ملایا۔ پاکستان اور بھارت کے عوام امن سے رہنا چاہتے ہیں۔