چین کو سمندر تک رسائی دینے کی وجہ سے امریکہ پاکستان کے گرد جال تیار کر رہا ہے، عبداللہ حسین ہارون

اسلام ٹائمز۔ نگران وزیر خارجہ عبداللہ حسین ہارون نے کہا ہے کہ چین کو سمندر تک رسائی دینے کی وجہ سے امریکہ، پاکستان سے ناراض ہے۔ اسلام آباد میں میڈیا سے گفتگو کرتے ہوئے انہوں نے کہا کہ اس وقت پاک امریکہ تعلقات کی حالت خراب اور پاکستان کے گرد جال تیار کیا جا رہا ہے۔ واضح رہے کہ نگران وزیر خارجہ بننے کے بعد عبداللہ حسین متعدد بار ان خیالات کا اظہار کر چکے ہیں، ان کے علاوہ کسی اور پاکستانی عہدیدار نے کبھی امریکہ کی شدید ناراضگی کی وجوہات پر روشنی نہیں ڈالی۔ یہ امر بھی قابل ذکر ہے کہ پاک چین معاشی راہداری کے ذر یعے پاکستان نے چین کو شمالی بحریہ عرب کے ساتھ جوڑ دیا ہے یہ مختصر زمینی راستہ چین کو اہم فوجی اور معاشی فوائد پہنچائے گا۔