اسلام ٹائمز۔ بنوں میں جائیداد کے تنازعہ پر بھائی نے بہنوئی کے ساتھ مل کر اپنے ہی بھائی كو قتل كر ڈالا۔ پولیس کے مطابق بنوں میں بھائی نے بہنوئی كے ساتھ مل كر اپنے ہی جوان سال بھائی کو قتل كر ڈالا، ملزمان نے گھر میں گھس کر اندھا دھند فائرنگ کی جس کے نتیجے میں 23 سالہ حجاب خان جاں بحق ہوگیا جب کہ ملزمان موقع سے فرار ہوگئے۔ پولیس کے مطابق ملزم کا نام اسماعیل خان ہے جب کہ بہنوئی کا نام شاہد خان ہے، پولیس نے مقدمہ درج كركے تفتیش شروع كردی ہے، ابتدائی تفتیش کے مطابق قتل کی وجہ بھائیوں کے درمیان جائیداد كا تنازع ہے۔