برطانیہ میں کورونا سے مزید 1243 افراد ہلاک

اسلام ٹائمز۔ برطانیہ میں کورونا ویکسین کی منظوری اور استعمال کے باوجود گزشتہ 24 گھنٹوں کے دوران بیماری سے مزید 1 ہزار 243 افراد ہلاک ہو گئے جس کے بعد مجموعی اموات 83 ہزار سے بڑھ گئی۔ ہوم سیکرٹری پریتی پٹیل نے کہا کہ پابندیوں کی خلاف ورزی کرنے والوں سے پولیس نمٹے گی۔ برطانوی میڈیا کے مطابق برطانیہ جنگ عظیم سے اب تک کی سب سے مشکل ترین صورتحال سے دوچار ہے۔ 1940ء کے بعد برطانیہ میں سب سے زیادہ اموات کورونا سے ہوئی ہیں۔ ادھر امریکا میں کورونا سے مجموعی اموات 3 لاکھ 86 ہزار سے زائد ہو گئیں ہیں۔