اسلام ٹائمز۔ خیبر پختونخوا میں مزید 241 افراد میں ڈینگی کی تصدیق ہوئی ہے، جس سے صوبے میں کیسز کی تعداد 4286 ہوگئی۔ خیبر پختونخوا میں مزید 241 مریضوں میں ڈینگی کی تصدیق ہوگئی جب کہ 115 افراد صحت یاب ہوئے ہیں۔ صوبے میں تصدیق شدہ کیسز 4286، صحت یاب ہونے والے 2657 اور فعال کیسز 1624 ہوگئے۔ محکمہ صحت کی رپورٹ کے مطابق بونیر سے 4، چترال پایان سے 3، ڈیرہ اسماعیل خان، دیر پایان، کوہستان پایان اور مالاکنڈ سے ایک ایک، خیبر، جنوبی وزیرستان اور نوشہرہ سے 2، 2، کوہاٹ سے 28، مردان سے 57، پشاور سے 112، شانگلہ سے 4 اور نوشہرہ سے 23 نئے مریض سامنے آئے ہیں جب کہ صوبے کے مختلف اسپتالوں میں 228 مریض داخل ہیں۔