اسلام ٹائمز۔ پی ٹی آئی رہنما اعظم سواتی کو کوئٹہ پولیس نے ڈیوٹی مجسٹریٹ کی عدالت میں پیش کر دیا۔ عدالت نے پانچ روزہ جسمانی ریمانڈ کی منظوری دے دی۔ تفصیلات کے مطابق سینیٹر اعظم سواتی کو تین روز قبل اسلام آباد سے گرفتار کرکے کوئٹہ منتقل کر دیا گیا تھا۔ آج انہیں جوڈیشل مجسٹریٹ دہم کی عدالت میں پیش کیا گیا۔ پولیس کی جانب سے اعظم سواتی کا دس روزہ ریمانڈ طلب کیا گیا۔ جوڈیشل مجسٹریٹ عبدالستار نے پانچ روزہ ریمانڈ کی منظوری دے دی۔ اعظم سواتی کی پیشی کے موقع پر ضلعی کچہری میں پولیس کی نفری میں اضافہ کر دیا گیا تھا۔ دوسری جانب میڈیا کے داخلے پر بھی پابندی لگائی گئی تھی۔ جوڈیشل مجسٹریٹ نے سینیٹر اعظم سواتی کو 5 روزہ جسمانی ریمانڈ پر پولیس کے حوالے کر دیا۔ اعظم سواتی کے وکیل اقبال شاہ ایڈوکیٹ کہتے ہیں کہ ایک کیس میں متعدد FIR کاٹنا غیر قانونی ہے۔ ہم سپریم کورٹ جائینگے اور میڈیا کو روکنا بھی غیر قانونی و غیر آئینی ہے۔