اسلام ٹائمز۔ غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی سربراہ محبوبہ مفتی نے کہا ہے کہ مودی کی زیر قیادت بھارتی حکومت انہیں پارلیمنٹ سے دور رکھنے کی کوششیں کر رہی ہے۔ ذرائع کے مطابق محبوبہ مفتی نے بھارتی مقبوضہ جموں و کشمیر کے ضلع اسلام آباد کے علاقے بجبہاڑہ میں صحافیوں سے گفتگو کرتے ہوئے کہا کہ بی جے پی انہیں پارلیمنٹ سے دور رکھنے کے لیے ہر ہتھکنڈہ استعمال کر رہی ہے۔ انہوں نے دعویٰ کیا کہ بی جے پی بخوبی جانتی ہے کہ اگر وہ پارلیمنٹ میں پہنچے میں کامیاب ہو گئیں تو اسے شدید پریشان کن صورتحال کا سامنا کرنا پڑ سکتا ہے۔ انہوں نے کہا کہ بھارتیہ جنتا پارٹی ان کی پارٹی پی ڈی پی کو توڑنے کے لیے تمام تر ہتھکنڈے استعمال کر رہی ہے کیونکہ وہ جانتی ہے کہ کشمیریوں کی یہ واحد معتبر آواز ہے جو پوری طاقت کے ساتھ لوگوں کے خدشات کو اجاگر کرتی ہے۔