چہلم کے موقع پر ملک بھر میں سکیورٹی کے غیر معمولی انتظامات کی ضرورت ہے، اظہار بخاری

اسلام ٹائمز۔ شیعہ علماء کونسل پاکستان کی جعفریہ یوتھ کے مرکزی ناظم اعلٰی سید اظہار بخاری نے اپنے ایک بیان میں چہلم سید الشہداء امام حسین (ع) کے موقع پر ملک بھر میں بالعموم اور پنجاب میں بالخصوص عزاداری کے اجتماعات کی حفاظت کیلئے غیر معمولی انتظامات کا مطالبہ کرتے ہوئے اس عزم کا اظہار کیا ہے کہ حکومتی اداروں کے ساتھ ساتھ ملک بھر میں جعفریہ یوتھ کے ہزاروں رضاکار عزاداری سیدالشہداء کے اجتماعات کی حفاظت کیلئے ہراول دستہ کا کردار ادا کرینگے اور عزاداری پر کوئی قدغن قبول نہیں جائیگی۔