اسلام ٹائمز۔ شیعہ علماء کونسل کے سربراہ و ملی یکجہتی کونسل کے نائب صدر علامہ سید ساجد علی نقوی نے اسلام آباد میں جلوس چہلم امام حسین علیہ السلام میں خصوصی شرکت کی اور مختلف تنظیمی افراد سے ملاقات کی۔ اس موقع پر علامہ ساجد نقوی نے جلوس میں عزاداروں سے بھی ملاقات کی اور معلومات حاصل کیں۔ علامہ ساجد نقوی کے ہمراہ سکندر گیلانی سمیت شیعہ علماء کونسل کے دیگر احباب بھی موجود تھے۔ علامہ ساجد نقوی نے شیعہ علماء کونسل کی جانب سے لگائے گئے کیمپ کا بھی دورہ کیا۔