ہار نہیں مانیں گے، شدت پسندوں کے حملے غیر اسلامی، غیر انسانی اور ناقابل قبول ہیں، اشرف غنی

اسلام ٹائمز۔ افغان صدر اشرف غنی کا کہنا ہے کہ وہ شدت پسندوں سے ہار نہیں مانیں گے، صدر اشرف غنی نے ملک میں شدت پسندوں کے حالیہ حملوں کی لہر کی مذمت کی، کابل میں یوم انسانی حقوق کے موقع پر خطاب کرتے ہوئے افغان صدر نے تمام مذہبی، سیاسی اور سماجی رہنماؤں پر زور دیا کہ وہ تشدد کی مذمت کریں۔ ایک موقع پر انتہائی جذباتی انداز میں افغان صدر نے کہا کہ شدت پسندوں کے حملے ناقابل قبول ہیں جو غیر اسلامی اور غیر انسانی ہیں۔ نیٹو فوجی مشن کے اختتام سے قبل افغانستان میں طالبان کے حملوں میں اضافہ دیکھا جا رہا ہے۔