اسلام ٹائمز۔ صوبائی دارالحکومت کوئٹہ میں پولیس پارٹی پر حملہ کرنے والے دو دہشت گرد مارے گئے ہیں۔ اس پولیس مقابلے میں ایک پولیس اہلکار شدید زخمی ہوگیا ہے۔ پولیس ذرائع کے مطابق لنک بادینی روڈ پر دہشت گردوں نے پولیس پارٹی پر حملہ کیا، جس سے ایک اہلکار زخمی ہوا۔ پولیس کی جوابی کارروائی میں دو ملزمان مارے گئے، جن کی شناخت نہ ہوسکی، تاہم ان کی لاشوں کو ضروری کارروائی کے بعد سرد خانے میں منتقل کردیا گیا ہے۔