اسلام ٹائمز۔ افغانستان کے شہر جلال آباد میں نماز جنازہ کے دوران ہونے والے خود کش دھماکے کے نتیجے میں 15 افراد جاں بحق اور 13 زخمی ہوگئے، صوبائی گورنر نے اس دھماکے کی تصدیق کردی ہے۔ تفصیلات کے مطابق صوبائی گورنر کے ترجمان عطااللہ خوگیانی نے کہا کہ حملہ آور نے اپنے آپ کو اس وقت دھماکے سے اڑالیا، جب لوگ سابق ضلعی گورنرکی نماز جنازہ کے لئے اکٹھے ہو رہے تھے۔ ابھی تک کسی بھی تنظیم نے اس دھماکے کی ذمہ داری قبول نہیں کی۔