اپوزیشن کی اے پی سی دیکھ کر علی بابا چالیس چور یاد آگئے، خرم شیر زمان

اسلام ٹائمز۔ تحریک انصاف کے سینئر رہنما اور رکن صوبائی اسمبلی خرم شیر زمان کا کہنا تھا کہ اپوزیشن کی آج کی اے پی سی دیکھ کر علی بابا چالیس چور یاد آگئے، آج ملک کی خارجہ پالیسی اور معیشت درست ہوگئی ہے، ان سب نے ملک کو تباہی کے دہانے پر لاکر کھڑا کیا تھا، فضل الرحمان جب سے بےروزگار ہوئے تب سے پریشان ہیں۔ ایک بیان میں انہوں نے کہا کہ بلاول زرداری نے سیلاب متاثرین پر کوئی اجلاس نہیں بلایا، اچھا ہوتا بلاول سندھ کے مسائل پر اے پی سی لاڑکانہ میرپورخاص میں بلاتے، مریم اور بلاول ابو بچاؤ تحریک چلا رہے ہیں، عمران خان کی مقبولیت سے اپوزیشن خوفزدہ ہوچکی ہے، ان لوگوں نےخود کو بچانے کے لئے ملک کے خلاف ووٹ دیا۔