اسلام ٹائمز۔ اتحاد اہلسنت پاکستان کے پلیٹ فارم سے منعقدہ ''تحفظ ناموس رسالت و عظمت صحابہ و اہلیبیت'' ریلی کے دوران جہاں شیعہ تکفیر کے نعرے لگائے گئے، وہیں وزیراعظم پاکستان کے معاون خصوصی برائے اوورسیز پاکستانیز سید ذوالفقار علی بخاری (زلفی بخاری) کے خلاف نعرے بازی کی گئی۔ چیئرمین رویت ہلال کمیٹی مفتی منیب الرحمن نے اپنے خطاب کے دوران آصف علوی کے معاملے میں وزیراعظم کے معاون خصوصی کو مورد الزام ٹھہرایا، جس کے بعد زلفی بخاری کے خلاف شدید نعرے بازی کی گئی اور وزیراعظم سے ان کے استعفیٰ کا مطالبہ بھی کیا گیا۔