اسلام ٹائمز۔ وفاقی وزیر امور کشمیر و گلگت بلتستان علی امین گنڈاپور نے جی بی کے تمام محکموں کے سربراہوں کا اجلاس گلگت میں طلب کر لیا۔ جنرل ایڈمنسٹریشن ڈیپارٹمنٹ کی جانب سے جاری ایک لیٹر میں آئی جی پی گلگت بلتستان سمیت 18 محکموں کے سیکرٹریز کو اجلاس میں شرکت کی ہدایت کی گئی ہے۔ وفاقی وزیر کی زیر صدارت یہ اجلاس ہفتہ کے روز دن گیارہ بجے وزیر اعلیٰ سیکرٹریٹ کے کانفرنس روم میں ہوگا۔ یاد رہے کہ الیکشن کمیشن نے کسی بھی وفاقی یا صوبائی وزیر کے گلگت بلتستان میں سرگرمیوں پر پابندی عائد کر رکھی ہے۔